Verskeie studente groeigroepe kom weekliks regoor Pretoria bymekaar.  Daar is groeigroepe in meeste koshuise, sowel as dagstudente groepe. Om deel te word van 'n groeigroep, klik op die skakel hieronder en stuur 'n e-pos aan Anuschka (Anuschka@unio.co.za) en ons verbind jou dan so spoedig moontlik aan 'n lekker groep. 

Tydens ons twee-jaarlikse Preekreekse, word ekstra groeigroepe gehou wat spesifiek op die Preekreeks gemik is.  Kontak die kerkkantoor vir meer inligting.

Medius is ons tussengroep - spesiaal vir jong werkendes en senior studente. 

Ons Medius groep kom Woensdae 19:00 in die Hub bymekaar. 

Dis 'n groter Bybelstudie groep, maar ons hanteer ook aktuele temas van tyd tot tyd. 

Kom maak 'n draai na werk of na 'n lang dag se studies en word deel!

Martus is Universiteitsoord se uitreikbediening. Martus bied vir studente en residensiële lidmate groeigeleenthede d.m.v. uitreike, projekte, toere en kampe. Dis waar ons ’n verskil kan maak in die wêreld. Vakansietyd toer die studente: hulle gaan op fietstoere, ’n konserttoer, matriekhulp-onderwysuitreike, vakansieoord-dienswerkkampe, boukampe en studentejolle. Deur die kwartaal reik ons weekliks meer plaaslik uit na behoeftige gemeenskappe in en om Pretoria. Elke wyk reël ook jaarliks ’n “One Hit Wonder”-uitreik – ’n vinnige uitreik wat op kort kennisgewing beplan en uitgevoer word in Pretoria.

Daar is hoofsaaklik 3 tipes uitreike waarop gefokus word en wat die Martuskomitee help fasiliteer:

Vakansie-uitreike

• Bosveld Konserttoer (April)
• #imagine (April)
• Fietstoer (Julie)
• Tshipise vakansiebediening (Julie)
• Onderwysuitreike (Julie)
• Middestad-uitreik (Julie)
• Studentejol (Desember)

Plaaslike deurlopende uitreike

• Meet & Eat
• Jakaranda Kinderhuis
• Vosstraat Dienssentrum
• Tutorklasse
• Winterhoop
• Buttons & Bows
• Brooklyn Polisiestasie
• Vocalise Fellowship Choir
• Sepedi-klasse
• Taizé-dienste