Oggenddienste vind Sondae om 09:30 plaas in die kerkgebou en almal is welkom om dit by te woon. Die eredienste word om die beurt deur al ons leraars van die gemeente gelei, hoewel die oorwig daarvan deur Arno Meiring, (leraar verantwoordelik vir die residensiële deel) gelei word. Twee keer ’n maand is daar gelyklopend met die oggenddiens ook ’n gesinsdiens in die Hub. Een van die leraars lei dit en die fokus van die prediking is op kinders.

Wyksdienste word gedurende die eerste drie kwartale op verskillende plekke gehou, soos deur die wykskomitees bepaal. Die datum van die wyksdienste word deur die predikantespan bepaal met inagneming van die jaarbeplanning en preekrooster. Die doel van wyksdienste is om die studentewyke die kans te gee om spesifiek as wyk saam te aanbid, saam te kuier en saam enige relevante sake in hul geledere te bemark.